අපේ සෙට් එකත් එක්ක ගිය ගමන්

මේ ටිකේම මම ලිව්වෙ ආදර හුටපට ගැන දේවල්මනේ, ඒක නිසා මට හිතුනා ඒ මාතෘකාවෙන් එහාට ගිහින් වෙන දෙයක් ගැන කියන්න ඕනේ කියලා.....

මං අද කියන්න ලෑස්තිය අපේ ෆන් පන්තිය සෙට් එකත් එක්ක ගිය ෆන් ගමන් ගැන විස්තර ටිකක්

මේ පන්තියෙ සැහෙන්න ෆිට් උන සැට් එකක් ඉන්නවා ඒ මායි, සුභයයි, රසිකයයි, අසංකයයි, තඩ්ඩයි තමා 

මොන මගුලේ ගියත් ඔය සැට් එක එකටම තමා......

අපි කට්ටිය, කට්ටිය කිව්වට මුළු පන්තියම වගෙ ඉස්සෙරලාම ගියේ දඹුල්ලේ....මේක ගියෙ අපි අනිත් අයට හොරෙන් පන්තිය පිටින් ක්ලාස් එක කට් කරලා...

මේ දඹුල්ලේ ගමනට අපේ මුළු පන්තියම වගේ සහභාගී උණා. පන්තියෙම කොල්ලෙකුගෙ අයියා කෙනෙක්ගෙ බස් එකක් කථා කරගෙන තමා ගමන ගියේ.....දඹුල්ලේ ගිහින් දඹුල්ල පන්සලටත් ගිහින් එහෙම අහවර වෙලා කට්ටිය ගියේ කන්ඩලම වැවට. වැඩිය කොහෙවත් ඇවිදින්න විදියක් නෑ හවස් වෙන්න කලින් ගෙවල් වලට යන්න ඕනේ කියලා කෙල්ලො බර බරේ දානවා...නැතත් අපි කට්ටියට සප්පායං වෙන්ඩ වෙලාව තියෙන්නත් එපායැ....


කොහොම හරි කන්ඩලම වැව ලඟ කට්ටිය සෙට් වෙලා හවස් වෙන්න කලියෙන් ගෙවල් දොරවල් වලට ආවා...කිව්වාට මොකො ඒ ගමන ඒ හැටි සාර්ථක උනේ නෑ....චාටර්ර් ගමනක්.....

කොහොමින් කොහොම හරි ඔය ගමනෙන් එහෙම පස්සෙ තමා කස්ටිය සෑහෙන්න ෆිට් උනේ...

පස්සෙ ඔක්කොම නැතුව අපේ කන බොන කොල්ලො සැට් එක ඉන්නේ (අර කියපු අපි හතර පස් දෙනා තමා).

අපි ටික කථා වෙලා ආයෙ ටිකක් සෙට් වෙන්න කියලා හිතාගෙන මේ පැත්තෙ තියෙනවා "ඉදුල්ගොඩ කන්ද" කියලා කන්දක්, ඕකට නැග්ගා...ඒ අපේ දෙවැනි ගමන.

ඉට පස්සෙ අපිට යන්න උනේ අපෙ "Field Trip" එක. එක යන්න යොදා ගෙන තිබුනේ පුත්තලමෙ සිමෙන්ති ෆැක්ට්‍රි එක බලන්න. මේක නං මෙලෝ රහක් නැති ට්‍රිප් එකක් කියලා මුලුන්ම දැන ගෙන හිටියා. මොකද අපිට උගන්නන මිස්ලත් යනවා...කිසි දෙයක් කරන්න විදියක් නෑ...

ඒත් මායි තඩ්ඩයි, සුභයයි ගේම අත ඇරියේ නෑ. කරපු දේ කියන්න ඔනේ නෑ කියලා හිතෙනවා, ඒක නිසා කියන්නෑ...

ඊට පස්සෙ තමා මං ගියපු ආතල්ම ගමන ගියේ ඒ අපේ බණ්ඩාරවෙල ට්‍රිප් එක. ඒක මගෙ ජීවීතේටම අමතක වෙන්නෙ නැති නියම ගමනක්. ගත්තු ෆන් අනන්තයි අප්‍රමාණයි..

අවසානෙට අපි ගියෙ තඩ්ඩලාගෙ ගෙදර. ඒ ගිහිනුත් හොදට සප්පායම් වෙලා තඩ්ඩලාගෙ ගෙදගරින් හොදට කාලා. හවස් යාමෙ හොද ලමයි වගෙ ගෙදර ආවා....


ඊලඟට දැන් යන්න ඉන්නේ "ත්‍රිකුණාමලේ". ඒකට ඔක්තෝබර් වෙනකන් ඉන්න ඕනේ..

සමහර විට මේක කියවන කෙනෙක් හිතන්න පුළුවන් මුං කරලා තියෙන්නෙ එහෙ මෙහෙ ගිහින් බීපු එක විතරයි කියලා.. ඇත්තටම අපි කරේ ඒච්චරයි තමා (ඉන්න ටිකේ ඉමුකෝ සුදෝ ජොලිය දමලා කියනවනේ)...
මොනා උනත් මේ අත්දැකීම් හරිම සුන්දරයි....මතක් වෙනකොට හිතට දුකයි.. මේක කියවන කොට boring උණා නම් සමාවෙන්න ඔනේ.....

ත්‍රිකුණාමලේ ගමනේ විස්තර ගිහින් ඇවිල්ලම කියන්නම්.......