බේබදුකම Returns :D

අනේ මම නම් දන්නෑ කට්ටිය මට බනීවිද කියලා මේ බීපු කථාම දානවා කියලා....හිකිස්, ඒත් ඉතින් වෙන කරන්ඩ දෙයක් නෑ බිපු කථාමනෙ තියෙන්නෙ ඉතින් මං මොනවා කරන්නද......

මේ මේකත් ඒ වගේ බිපු කථාවක්ම තමා ඈ (බීපු නෙමෙ නාපු :D)..

මේක සිද්ධ උනෙ පහුගිය අප්‍රේල් 16 වෙනිදා. මෙන්න මේකයි සීන් එක.....

අපේ ගෙදරට ඉස්සරහා ගෙදර ඩයල් එක ( ඒ කීවෙ ඒ ගෙදර කොල්ලා ඈ), ඌ පිටරට ඉදන් ආවා. ඌ එහෙ කුකෙක් :P. ඌ එනකොට ගෙනාපු බකාඩියක් තිබ්බා. කිය කියාමයි හිටියෙ ඕක කොහෙහරි ගෙනිහිං ගහමු කියලා.... මොකද ගෙදර ඉදන් ගහන්න බෑනේ, අපි ගෙවල්වලට තවම හරිම අහින්සක සූකිරි පැටව්නෙ :D :D.

ඒ හින්දම අපෙ සෙට් එක 6ක් විතර සැට් වෙලා මූ කලින් වැඩ කරපු දඹුල්ල ඒරියා එකට ගියා. එහෙන් අරූගෙ තව යාළුවො දෙන්නෙකුත් සැට් කොරගෙන ගියා ඉබ්බන්කටුව වැව අයිනෙ තිබුණු සාමාන්‍ය සයිස් එකේ රෙස්ටුරන්ට් එකකට.....දැන් අපි ඔක්කොම 8යි. අරක්කු බොන්නෙ මෙතනින් 5යි, දෙන්නක් බොන්නෙ බියර් විතරයි. අනිකා බොන්නෙ කොකාකෝලා විතරයි (ඌ පව් නේ :D)....

අර දඹුල්ලෙන් සෙට් උණා කියපු දෙන්නගෙන් එකෙක් ඌරෙක් එහෙමත් එක්කරගෙන ඇවිත් තිබුණ නිසා බයිට් ගැනනම් ඉතින් ආයෙ කියලා වැඩක් නෑ...

ආ...කියන්න අමතක උණානේ අපි ලඟ තිබුණේ එක බාකාඩියයිනෙ, ඒක නිසා දඹුල්ල ආහාර නගරයෙන් (ඒ කියන්නෙ ෆුඩ් සිටිය ඈ) තවත් බකාඩියක් ගත්තා මදි උනොත් කියලා.....

කොහොමහරි දැන් වෙලාවා දවල් 11.00 විතර ඇති. වෙලාවට වැස්සෙ නෑ, පට්ටෙට අව්ව. අපෙත් වෙලාව හොදයි කිය කිය සුභ මුහූර්තයෙන් රාජකාරි ආරම්භකලා.......

අම්මේ ඉතින් මේ ගහන්නෙ බකාඩිනෙ........ දෙතුන්වතාවකට වැඩිය ගහලත් නෑ.....ටිං ගානකොට වදිනවා.. ඒ අස්සෙ ගල ඉන්න එකා (අර කොකා කෝලා බොන ඩයල් එක ඈ) අහනවා " මොකෑ බං උබේ ඇස් දෙක හිනී වෙලා" කියලා..... යකෝ එහෙමතමා බං මට මේ වැදිලා ඉන්නේ...මුං කොහොමද ඒවා දන්නෙ බොන්නෙ කොකාකෝලා විතරනෙ :P....

ඔහොම එක බෝතලයි ඉවරම කලා...... දැන් වෙලාව 12.30 විතර ඇති..හරියටම ශුවර් නෑ හැබැයි.....

අර බෝතලේ ඉවර කරලා අපි කට්ටිය නාන්න යන්න තමා ඉදලා තියෙන්නේ, ඒත් බීමක මහිම කියන්නේ අනිත් බෝතලෙත් කඩලා නාන්න නොයාම.....(මටත් ටිකක් හීනෙන් වගේ මතකයි).... ඒකත් ගැහුවා පැයක් එක හමාරක් විතර.....

පස්සෙ කට්ටිය නාන්ඩ යන්න ලෑස්තිවෙලා... මටත් නාන්න යමු කිව්වා. හුටා මට අදින්න එකක් නෑ.... මම කිව්වා "මට බෑ බං අදින්ඩ එකක් නෑ උබලා පලයල්ලා" කියලා.....ඒත් පස්සෙ කල්පනා උනා යකෝ ජෝකා ඇදගෙනනේ ඉන්නේ...ජෝකා පිටින් නානවා කියලා...එහෙම හිතලා කලිසම ගලෝලා තියලා ජොකා පිටින් සිග් සැග් ක්‍රමේට ගියා වැවට.......

පට්ට සීතලයි යකෝ..... වෙරි ඩබල්..... හිටගෙන ඉන්නම බෑ....ඉදගත්තා වැවේම....ඒ අස්සෙ අනිත් උන් ටිකක් නාලා ගොඩට ගිහින් බෝල ගහනවා.... මං ඒක දැගත්තේ බෝලේ බැට් එකේ පචෑස් පචෑස් ගලා වදින සද්දෙන්.....බැලුවට පේන්නෑ කට්ටියම ඩබල් වෙලා පේන්නේ......

දැන් කොහොම හරි වැවේ ඉන්නේ මායි අපේ ඉස්සරහ ගෙදර අයියාකාරයයි විතරයි..... අනේ අපරාදෙ කියන්ඩ බෑ ඌ මාව අල්ලගෙනම හිටියා වැටෙයි කියලා වෙන්ඩ ඔනේ.....(යකෝ මං එහෙම වෙටෙනවද)

ඔහොම ටික වෙලාවක් වැවේ ඉදගෙන හිටියා..... පස්සෙ තමා මට කල්පනා උනේ ඉන්නේ වැවේනෙ... සෑහෙන්න වතුරත් තියෙනවා කියලා..... වතුර ටික අතලඟ නිසා වැවේම දැම්මා කබරයා පාරක් (හිකිස් :D දැම්මා නෙමෙ දැමුනා :D).... අනෙ පව් අරූ වතුරෙන්ම ඒ ටික ඈතට තල්ලු කලා වගේ මතකයි.......

මම මේ ඇත්තමයි කියන්නේ.....කියන්න ලැජ්ජා වෙන්න ඔනේත් නෑ (මොකෝ බීලනේ).... වැවෙන් ගොඩට ඇවිල්ලා, තුවායක් ඇදගෙන ජොකා ගලවලා ඒක මිරිකලා ආපහු ඇදගෙන කලිසමත් ඇදගෙන ත්‍රීවීල් එකකට ගිහින් ටිකක් නිදාගෙන ත්‍රීවීල් එක ඇතිලෙත් කබරයෙක්ව නිදහස් කරලා යන වෙලාවට ඇහැරෙනකන් ටික මම මොකුත්ම දන්නේ නෑ..... ඒටික ඔක්කොම මම දැන් ගත්තේ පහුවදා.....

අනේ අපරාදෙ කියන්න බෑ අපේ උන් ටික අකුරක් නෑරම ඒ ටික මට කිව්වා.....

හැබැයි මේ කොල්ලා කාටවත් සෙකන්ඩ් උනේ නෑ..... ගෙදර ආවෙ තනි කෙලින් ඈ... (ඇද උනානම් අම්මට මාට්ටුනේ :P)

ප.ලි - කථාව හොදද නැද්ද කියලා මම දන්නෙ නෑ... කාලෙකින් දෙයක් ලියන්නත් බැරි උන නිසා ලියන්න තිබුන එකම කථාව තමා මේ ලියලා දැම්මේ..... මේ වගේ කථා ප්‍රතික්ෂේප කරන අය මට බැන්නට කමක් නෑ....වෙන කරන්ඩ දෙයක් නෑ ඒකයි :D