Jan 1, 2012

2012, පට්ට අවුරුදු උදාව !!


2011 අහවර වෙලා 2012ත් ලැබුවා එහෙනම්. මමත් හා හා පුරා කියලා අද කියන්න හදන්නේ මට 2012 අවුරුද්ද ලබාපු විදිය ගැන.

ලංකාවෙ හැම තැනම වගේ දෙසැම්බර් 31 රෑ මොකක්හරි විගඩමක් නටනවනේ ජනවාරි 1වෙනිදා උදාව සමරන්න. මෙහෙත් එහෙම තමා. එහෙම තමා කිව්වෙ කුරුණෑගල ටවුන් එකෙත් සංගීතයක් තිබ්බා.......

අපේ සැට් එකත් ජැන්ඩියට ඇද පැලඳගෙන යන්න ලෑස්තිඋනා..... සුපුරුදු පරිදි අම්මගෙන් බර බරස් එක. "යන මඟුලක ගිහින් රෑ 12 වෙන්න කලියෙන් ගෙදර වරෙං" කිය කියා එයා කෑ ගහනවා. මාත් "හා හා අප්පෝ....... එන්නං....එන්න තමා යන්නේ" කියලා හෙන ගේමක් දීලා ගෙදරින් පැන ගත්තා...



මායි අපේ කොල්ලො සෙට් එකයි කොහොමහරි බස් එහෙම එල්ලිලා ආවා ටවුන් එකට. අපි හිතුවෙ පයින් යන්න වෙයි කියලා, මොකො රෑට 8 පහුවුන ගමන් බස් තියෙන එකක් කියලයැ....හික් :D ආසියාවේ ආශ්චර්යනේ දන්නෙ නැද්ද :D :D. ........... කොහොම හරි වෙලාවට "සිලෝන් ටකරං බස්" එකක එල්ලිලා ආවා ටවුන් එකට.....

හා දැන් කියහල්ලා බලන්න හෙණ රෑ, සංගීතෙකුත් තියෙද්දි, ගෙදර කවුරුවකුත් අහලකවත් නැති වෙච්චිකොට මොන හෝතබුවද අමුවෙන් ඉන්නේ :D..... ඔන්න ඔය theory එක අපිත් ක්‍රියාත්මක කරලා අපිත් දැම්මා collection එකක්......මේ............අපි කිව්වට අපේ හොද හැදිච්ච කොල්ලොන්ට හිටියේ මායි තව එකෙකුයි විතරයි ඈ :P. එකෙක් හිටියා ඌ ටිං කෑලී විතරයි.........

කොහොමහරි බොන නොබොන හැම එකාගෙන්ම ගසාකාලා රුපියල් 600ක් විතර එකතුකරගෙන ගියා දේවාලෙට.......(මේ.... දේවාලේ කීවෙ බාර් එක ඈ :P)......අපි දෙන්නෙක් විතරක් හින්දා ගත්තේ Black Opel භාගයයි......කොහොම හරි අනිත් කළමණා ටිකත් අරගෙන දැන් යනවා කොහෙ හරි තියාන ගසන්ඩ....... මාර කේස් එක කියන්නේ හැම තැනම පොලිසියෙන්... දැන් මොකෑ කොරන්නේ ?? ඔය පාරක් අයිනෙ තියාන ගසන්ඩ තිබ්බා, ඒත් ඉතින් නෝන්ඩි වෙන්න බෑනේ. ඒක නිසා කුරුණෑගල වැව පැත්තට යමු කියලා ගියා ඒ සයිඩ් එකට.... අප්පට උඩු වැව ලගත් බඩු. දැන් මොකො කොරන්නේ, ඔහේ ගියා තව කොහෙට හරි යමුය කියලා......

කොහොමහරි අන්තිමට "ඇතා ගලට" යමු කියලා ගියා එතෙන්ට. ගල පාමුල තියාන සෙට් උණා අවුරුදු උදාව සමරන්න..... :D :D. ඔය අතරේ ඇහෙනවා සංගීතෙත් යනවා... ගැහුවෙ "බාචි අංකල්ගේ ෆයර්"......

කලින් කිව්වනෙ බොන උන්ට හිටියෙ මායි තව එකෙකුයි විතරයි කියලා.......අරූ ලඟ නමනවා. මං ඈතින් ඈතට නමනවා.......හිකිස් :D දැන් වෙරි පෝරුවෙ...... මම GL එකක් පත්තු කරන්න අරගෙන පත්තු කලෙත් Filter එක එහෙම නෙමෙ :D......

කොහොම හරි 1/2 විනඩි 45ක් නැත්තම් පැයක් යන්නකොට ඉවරයි. දැන් සංගීතෙ බලන්නත් ඔනෙනෙ කියලා නැගිට්ටා යන්න...... මළ හුට්ටප්පරයයි, අරූ 3/4ක් Horizontal. දැන් වෙන කරන්න දෙයක් නෑනේ මේකව මේ ගල උඩ තියලා යන්නයැ කියලා අමාරුවෙන් වත්තම් කරගෙන ගියා සංහීතෙ තියෙන තැනට යන්න. 

හුටා.........ඇතුලට යන්න ටිකක් ගන්න ඔනේ... මල මඟුලයි අතේ තිබ්බ හැම සතේටම බිව්වනේ :D දැන් කොහෙන්ද සල්ලි. ටිකට් එක රුපියල් 100යි......වෙන කරන්න දෙයක් නෑ නේ, ඈතට වෙලා ස්ටේජ් එක දිහා බලාගෙන හිටියා. අරූටත් අනිතිමයි..... ටිකක් වෙලා ඉදලා ආවා ගෙදර එන්න කියලා. මොකො අම්මත් 12ට කලින් එන්න කිව්වනෙ...



සෝට් කට් එහෙකින් ගෙදර එන්න කියලා හිතාගෙන වැව සයිඩ් එකෙන් දාලා එනකොට "බාරාස්" ගෑවා.........අම්මට උඩු අරූගෙ කලිසමේ හිටං තඩි කබරයෙක් :D. ගන්දස්තාරේ බෑ :/ . දැන් මොනවා කරන්නද මේකව මෙහෙම ගෙදර එක්කන් යන්න බෑනේ. ගියොත් බුවා අම්මට මාට්ටු. ඌ මාට්ටු කියන්නේ මාත් මාට්ටු. නැතත් කබරයා ගියාට පස්සෙ මොකාද ඔළුව උස්සන්නේ.......මේකව තිබ්බා පාර අයිනේ තිබ්බ තඩි බෝක්කුවක් උඩින්........හුළඟටද මන්දා මටත් ආයෙ ටිකක් වැදුනා :P.......

වෙලාව 11.45යි....සැහ් :/ 12ට කලින් ගෙදර යන්ඩත් ඔනේ. යන්ඩ බසුත් නෑ. කිලෝ මීටර් 3ක් විතර යන්ඩත් තියෙනවා. පැය කාලෙන් කිලෝමීටර් 3ක් මොකාටද යකෝ යන්න පුළුවන්, අනික වෙරිත් එක්ක... පුළුවන් උනත් යන්න අර ගෝතයා නැගිටින්න එපැයෑ...... මොනා කරන්නද අපිත් ඔහේ බෝක්කුව උඩට වෙලා හිටියා.....

අනේ අනිච්චං අපිට 2011 අවුරුද්ද ඉවර වෙලා 2012 අවුරුද්ද ලැබුවෙ පාර අයිනේ බෝක්කුවක් උඩදී.... අරූ අපිටත් වඩා වාසනාවන්තයි උට 2012 අවුරුද්ද ලැබුවෙ හෙන වමනේ ගොඩක් උඩ :D. මාර වාසනාවන්ත අවුරුද්දක් නේ.. ආසාවේ බෑ :D....

තවත් පැයක් විතර ඉදලා අරූවත් ඇහැරවගෙන වැවෙන්ම නාවගෙන. වත්තම් කරගෙන ගෙදර ආවා. ගෙදර එනකොට 1.30 නැත්තම් 2.30 ඇති, මටත් හරියටම වෙලාව සුවර් නෑ.......ආපු ගමන් නාලා මොන අවුරුදුද කියලා හිතාගෙන හොදට පොරවගෙන නිදා ගත්තා :P.......

අළුත් අවුරුද්දේ පලවෙනි දවසේ උදේට නැගිටිනකොට හරියටම 9යි........ නැගිට්ට ගමන් මේක ලියන්න ගත්තා, නැත්තම් සීන් එක අමතකවෙන සුළුයි :P......... මොකක්හරි කමක් නෑ මේකත් තව එක දවසක් කියලා හිතාගෙන පුරුදු විදියට වැඩක් කරගෙන ඔහේ ඉන්නවා...... 


ප.ලි - මම ලිව්වෙ අපිට උන සිදිධියක් විතරයි. ‍ඊයේ රෑ මේවගේ සිද්ධි තව කොච්චරනම් වෙන්න ඇතිද. ඒවා කොහොම උනත් කමක් නෑ.......

සියළු දෙනාටම ලැබුවා වූ 2012 අවුරුද්ද කිරියෙන්, පොල් කිරියෙන්, දී කිරියෙන්, කල් කිරියෙන්, මුදවපු කිරියෙන් ඉතිරන සුභම සුභ නව වසරක් වේවා !!!

ඔබ සැමට ජය !!!

6 comments:

  1. එල එල.. පට්ටා

    ReplyDelete
  2. අඩේ පොලෝ මට ඔහොම සිද්ධිමන්ට් එකක් වුනේ ගිය අවුරුද්දේ... බේබදු කමින් පටන් ගත්ත 2011 බේබදු කම නවත්වලා, දසමයක් වත් කටේ නොතියන ගානට ඇවිත් 2011 මට සමුදීලා ගියා. 2011 අවුරුද්දෙන් බාගයක් කාබාසිනියා කරගත්තට 2012 නම් සෑහෙන දේවල් කරන්න හිතන් ඉන්නවා...

    ReplyDelete
  3. aho tharuna jeewitha. demawupiyange salli. thoo nodakin kaalakanni.

    ReplyDelete
  4. This comment has been removed by the author.

    ReplyDelete

කියෙව්වට පස්සෙ හිත ආපු දේ ලියලම ගියානං හොදයි නේ...